بوح

هو أصعب شعور الواحد بيحسه لما يرجع يشد مع نفسه ويبدأ يلتزم بجدول لأي حاجة بعد ماكان مرحرح لمدة شهر ولا حاجة، انه فوت وقت كتير، والشعور ده للأسف ساعات بيكون مجلبة للندم ومزيد من التكاسل و التسويف...

أظن أن الواحد لازم يتقبل انه مش لازم يبقى في كل فتراته اداءه حلو وكويس، وانه لازم يتقبل ان نفسه ساعات بتمل، وان نفسه بتحتاج تفصل، وانه مش وحش انك تستثمر وقت في انك تتعرف على ناس جديدة، حتى لو في الاخر اكتشفت انه مش هاينفع تكمل معاهم!

في مرة كنت بعصر على لمون حرفيا علشان اخلص حاجة في ايدي وللاسف جيت في الاخر وزهقت منها وسبتها، المفروض انها حاجة كنت بكتبها، من كام يوم كنت معدي على المكتب عندي بعد اسابيع من هجرته، وفتحت الحاجة اللي كنت شغال بكتبها، وفجأة لقيت نفسي بمصمص شفايفي على اللي مكتوب :D اللي هو انا اعجبت باللي انا كاتبه من غير ماحس اني انا اللي كاتبه، لحظتها حسيت بنوع من الارتياح، اظن اني لازم اشد واحاول اخلص البتاع ده علشان احس بالشعور بتاع الارتياح ده تاني لانه كان شعور حلو اوي بصراحة اتمنى انه يتكرر :D :D :D 

Comments

Post a Comment

Popular posts from this blog

ستمحوه الرياح

 مش عارف ليه برجع هنا احب اكتب اللي بيجي في دماغي، الفترة اللي فاتت غالبيتها كنت قافل الفيسبوك، بقيت احب اميل شوية للعزلة واني اكتب هنا في الفراغ، يمكن علشان بكتب اللي بيجي في دماغي باريحية؟! الله اعلم المهم من فترة كنت بسمع اغاني الطفولة بتاعت سبيستون دي زي هزيم الرعد و فرسان الارض و القناص ابطال الديجيتال والانمي اللي اترجم زمان على يد قناة سبيستون، لحد دلوقتي بحس بنشوة لطيفة لما اسمع الاغاني دي، في لحظة ما اظن وانا كنت بسمع اغنية بداية هزيم الرعد، جه في بالي اني اشوف الاغنية اليابانية الأصلية واشوف هل هاحس بنفس الشعور، ولا الشعور ده مصدره تجربة الطفولة في التفاعل مع الاغنية ومش مصدره الاغنية ذاتها ولا ايه! المهم دورت على الاغنية اليابانية الاصلية، وطلعت -في رأيي- سيئة لا يمكن مقارنتها بقوة النسخة العربية سواء في مستوى الكلمات او مستوى اي حاجة تانية، النهارده قدرا وقع تحت ايدي الاغنية اليابانية للقناص، واغنية القناص اظن معلمة مع ناس كتير، اللطيف ان النسخة اليابانية ايقاعها مقارب للنسخة العربية، انا مش بيشدني الايقاع والالحان اد ما بتشدني الكلمات، الكلمات اللي شدتني في النسخة
Read more

حول الابتلاء و الاختيار

لما تقدر تحس بتقدم العمر بيك، ويكون ربنا وهبك ذاكرة لحد ما لطيفة، فاكيد اول حاجة هتلاحظها هي تغيير المواضيع اللي بتتناقش وتتكلم فيها مع اصحابك ثم مع اهلك فيما بعد، بعد ما كنت بتتكلم عن الخروجات و الطلعات، بدأت تتكلم عن الامتحانات والمشاريع، بعدها بتتكلم عن الشركات المناسبة للتوظيف، بعدها تجلس مع اصدقائك -او من تبقى منهم- لتحاولوا استخلاص العبر من حياتكم على القهوة فيما يشبه ال group therapy، ثم تجد نقاشات تتعلق بالزواج والتربية الاطفال تدلف برأسها لجلساتكم التافهة قديما، وطبعا المواضيع التي تتعلق بالصحة والرياضة، واننا يا رجالة لازم نحافظ على صحتنا وهكذا، فطبعا كل واحد بيسرد تجربته مع تجارب الدايت التي لا نقربها ولله الحمد، فمن ضمن الاكليشيهات -اللي يبدوا لحد ما انها صحيحة- المحفوظة اللتي بتتقال في النقاشات اللي من النوعية دي ان "جسمك ذكي ماينفعش تمنع نفسك من الاكل لانك كده بتحسسه انه في مجاعة فيبطل يحرق" صراحة لا اعلم كيف تخرج هذه الجملة من مهندس برمجيات قد انهى برمجة سيرفر "عتاقي"، يعني ممكن اتقبلها من طبيب لم يدرس منطق 101، لكن كيف تصف الجسم بانه ذكي اذا كنت
Read more

سألت ربي

سألت ربي أن يريني مخ الأمر. سألت ربي أن يريني إياه في منامي في ليلة وضحاها، فأبي ربي إلا أن يمهلني في حياتي لأراه واقعا مُعاشا. سألت ربي بيد تأخذني من التيه تلقي بي خارجه، فأبي ربي إلا أن يصطحبني طالوت في خروجه! سألت ربي سنا برق يضيء لي ظلمة الجب، فأبي ربي إلا ان يردني وارد السيارة. سألت ربي أن يضيء لي البرق حتى أمشي فيه، فأبي ربي إلا أن يمتحنني. سألت ربي صبرا، فأبي ربي إلا العافية. سألت ربي أن أساق إليه كرها، فأبي ربي إلا أن أسلم له طائعا! سبحانك ربي ما أحكمك، سبحانك ربي ما أكرمك، سبحانك ربي ما أرحمك، سبحانك ربي ما أظلمني وما أجهلني... اللهم أنت غياثي فبك أغوث، وأنت عياذي فبك أعوذ، وأنت ملاذي فبك ألوذ، يا من ذلت إليه رقاب الجبابرة، وحضعت له مقاليد الفراعنة، أجرنا من خزيك وعقوبتك، واحفظنا في ليلنا ونهارنا، ونومنا وقرارنا، لا إله إلا أنت تعظيما لوجهك، وتكريما لسبحات وجهك، فاصرف عنا شر عبادك، واجعلنا في حفظ عنايتك، وسرادقات حفظك، وعد علينا بخير يا أرحم الراحمين!
Read more